|
SubscriptionsSites I Read
|
|
|
|
| - 前晚又再次夢見你, 這次夢境雖然圓滿結束. 可惜回到現實, 這個夢總要完結.
回想上年怎麼會搵得返你, 全靠無啦啦的一次跟Ju去飲野. 微妙, 卻很微, 很緲, 很杳杳.
試問搵到昔日的你, 自己又做會昔日敢講唔敢爭取唔努力的我, 又有乜為呢. 還記得那天在紅館的那個大誤會, 不想再次發生那種失誤了.....
現在要照顧好自己, 才是照顧好你的最重要因素吧. 脫離現狀, 好像還有一段漫長的路....
- 心跳500天, 搵腳去睇先.
- 經過了十月頭的忙碌, 現在連工作上也在放暑假, 無晒目標, 好懶好頹....
- 天氣轉涼了, 找個懷抱取暖的意欲比多穿件衣服強.
- 練聖誕報佳音的歌, 完全覺得係一種折磨. 有時得三個人, 已經係好唔夠人, 用得一邊耳已經捉唔到音, 隔離兩個仲要完全唔跟音, 比走音更難受. 要我擔大旗去拉其他人, 我真係無咁既本事.... 又有時好鼓舞, 有兩個好partner傍住, 有返練歌既感覺.
有時Tenor 唱 Treble clef 的音, 會變成了低幾度的怪音, 譜上明明比Bass的音高, 但唱出來比Bass 還低. 是我的耳真的那麼失靈嗎. 常說鋼琴走音的那幾個, 自己走了音卻聽不到.... 勞氣.....
究竟堅持付出耐性而不作聲去改善, 應不應該呢....
我嘮騷發完一輪, 改善的辦法卻提不出半個, 我也是典型的香港人麻....
這個原是美好的 Oath, 不想淪為一個 Oath.
| | |
| 呢幾日自己的motto是, " 今天的快樂是猶豫 "
- 俾人鬧, 係咁插, 聲都唔聲, 過左道氣先應返佢. 今天的快樂是猶豫.
- 好想四圍食野. 今天的快樂是猶豫.
- 好想對住個個女仔都講下唔正經野 or "目及" 下佢地. 今天的快樂是猶豫.
- 好想作古仔掩飾自己既錯失. 今天的快樂是猶豫.
- 想不到竟然有異性(Cur小姐呀!)玩野, 竟輕挑的對我說" wo ai ni", 攪到我面都紅晒勁尷尬, 換轉係往日的我一定還以顏色. 今天的快樂是猶豫.
- 諗緊繼唔繼逐記錄一件幾想記錄既事. 今天的快樂是猶豫
今天的快樂是猶豫. 並不代表明天不會後悔.
| | |
| 尋晚夜第一次約一個近乎素未謀面的 Crazy 去食飯, 去了 Daddyos 食. 又是坐那張檯, 吃的也差不多. 對著的人也算健談可愛. 雖然吃得快樂, 可惜就是吃不出甚麼味道.
興幸的是, 發覺自己尚懂得約朋友吃吃飯, 吹吹水. 很久沒有做這些事了.
比上年重了八磅 , 但看來竟是廋了, 腰圍亦廿八變廿七, 為甚麼呢?
| | |
| 第一次去Cocktail式兼戶外的婚禮. ( Mil & Charlie)
感覺其實幾輕鬆.
第一次係咁多人面前車佬得一個人拉.
感覺其實好淆底.
第一次男人老狗搶花球, 仲要俾我搶到.
感覺其實好攪笑.
| | |
| 今天向神禱告著說, 我要剪頭髮, 黎緊禮拜五同18號要見人呀!
其實, 平時要剪個髮, 又有幾難丫, 話剪就剪, 就係撞正今個月, 嚴重制水, 連剪頭髮錢都唔夠.
收工過後, 心想後巷處可以理髮, 就去問問價, 嘩塞! 要$35(唔算貴丫)但係我身上只得$27蚊, 點算好呢? 諗住走之際, 個嬸嬸問我係咪剪呀, 我話得廿七蚊咋(p.s. 小童都要$28), 佢都唔介意幫我剪埋, 仲好細心, 問我咁樣好無, 哥樣好無, 使唔使咁之類, 無話"哪西". 真係超感動!
下次真係要搵返佢, 俾返D$$$佢, 仲要俾多D貼士先得!
之但係, 若果真係一個friend都唔到, 咁剪同唔剪又有咩分別呢.....
| | |
|
